20240804 紅光治療機止痛？智商稅？

1. 【有軍備唔代表夠實力】
第二次世界大戰諾曼第登陸嘅時候，盟軍傘兵空降德軍淪陷區，成功奪取一條未俾德軍炸斷嘅橋，德軍圍攻呢個橋頭堡，傘兵用輕型武器死守中，重型軍備未運到。傘兵用無線團求救：「we need weapon」，得到上級嘅回覆係：「You have weapon, right? Hold your position」，傘兵要嘅重型武器，但上又話你已經有武器，即係畀唔到嘢你！你用輕型武器對付坦克車，贏面好低。結果盟軍傘兵被完全消滅。

 

2.【有毛孩主人話想買果D寵物用LED治療筆，幫助年老毛孩關節止痛】
K仔咁答：「呢啲LED止痛嘢基本上搵老襯，寵物呢啲治療筆就更加搵老襯，寵物好咗或者唔好你都唔係咁容易問到隻動物。紅光最多只係產生熱能，咁同你用熱敷冇乜分別」

「好多真正有用嘅係紅外線產生器，因為佢可以產生熱能造成熱療效果。紅光產生嘅熱能，只能夠喺皮膚表面，小型LED 功率更加細，根本產生唔夠足夠嘅紅外光去治療」

其實你用cutter點可以鋸到棵大樹呢？

 

3.【紅光、紅外線、熱療真係 work？】
Work 唔 work 一切在於「功率」！陽光照射一張紙，張紙唔會著火，因為每平方cm受到嘅光照量太低。如果你用放大鏡將啲太陽光線集於一點，咁就可以燒著張紙。如果用支好細支嘅LED紅光筆去止痛，真係有D搞笑，因為功率太低太低啦，得果幾個 mW (1mW = 0.001W)！多年前K仔介紹過嘅紅外線治療器，功率細細地都有300W！

 

4. 【熱療】

a. 【原理】用唔同方式對身體進行加熱，例如暖水袋、暖包、熱雞蛋、發熱墊、熱水浴、熱水浸腳、溫泉。好處就係唔使特別買部機，你用微波爐叮熱濕毛巾都可以做熱療，利用濕毛巾包住關節，用風筒吹又得

b. 【對乜有效】~40°以上高溫可以擴張血管、增加血流量、減少肌肉僵硬、減輕疼痛並促進組織癒合、增加組織延展性、減少關節僵硬
 

5. 【紅外線治療】

 

a. 【原理】利用紅外線令分子震動產生熱能。 紅外線可以穿透皮膚同組織 (約25mm)，提供深層加熱效果。包括基於波長的近紅外線 (NIR)、中紅外線 (MIR) 和遠紅外線 (FIR) 都有不同嘅治療效果。♥️如果夠功率♥️係得嘅，K仔一路大部嘅紅外線機用嚟止膝頭哥關節痛，好有效！

b.【對乜有效？】通常用於緩解疼痛、減少發炎、促進肌肉疼痛、關節疼痛、慢性病等疾病嘅癒合

c.【點解畀熱療更方便？】唔係個個屋企都有溫泉/大浴缸浸浴去做熱療嘅。紅外線治療機好方便，亦比一般熱療更深入地滲透到肌肉組織中，從而有效解決更深層嘅肌肉同關節問題

 

6.【紅光治療】

係有啲灰色地帶，正常發射紅光嘅電子組件，係有可能同時產生紅外線，真正有療效嘅係紅外線唔係紅光。但係你唔好期望你買嗰啲cheap cheap紅線LED會產生幾高功率！嗰啲sales會同你講，用紅光刺激穴位，就好似針灸嘅效果，問題係，你知道穴位喺啲咩？你知道你自己用隻手指撳下都做到啦，洗鬼用支筆咩！

a. 【原理】紅光波長係 600-700 nm 之間，可以深入~8-10mm皮膚，到達真皮層 (但唔能夠深入肌肉）。係真皮層果度可以與細胞相互作、促進細胞再生、減少炎症、促進血液循環，但對於可否止痛就真係未有太多真憑實據

b.【對乜有效？】常用於嫩膚、抗衰老同緩解疼痛、治療關節炎、肌肉疼痛同關節僵硬等疾病，不過呢啲一切都在功率，但市面上買到嘅紅光治療機功率好低，得果零點幾watt，似玩具多啲。K仔唔會用！

圖係 AI gen 出嚟